د هلمند ولایت د شهیدانو او معلولینو چارو په ریاست کې اداري غونډه ترسره شوه
د هلمند ولایت د شهیدانو او معلولینو چارو رئیس محترم الحاج ملا صدوخان حق شناس په مشرۍ په یاد ریاست کې اداري غونډه ترسره شوه چې په کې د ریاست اړوند ټولو کارکوونکو ګډون کړی وو.
په دې غونډه کې محترم الحاج ملا صدوخان حق شناس د عالیقدر امیرالمؤمنین حفظه الله تعالی حکمونه، فرمانونه او د وزارت د رهبري شورا پریکړې کارکوونکو ته ابلاغ کړې.
نوموړي همدارنګه له کارکوونکو وغوښتل چې د ریاست اداري چارې په منظم او مسلکي ډول ترسره کړي، له مراجعینو سره نیک او مناسب چلند وکړي، سپارل شوي مسؤلیتونه په ښه توګه ادا کړي، د بیتالمال شتمنۍ په سمه توګه وساتي او د مراجعینو د رضایت، د خدماتو د ښه والي او د چارو د اغېزمنتیا لپاره لا زیاتې هڅې وکړئ.
