په ننګرهار ولایت کې (۵۰۰) تنو مستحقو یتیمانو ته مرستې ووېشل شوې
د ننګرهار ولایت د شهیدانو او معلولینو چارو ریاست د یتیمانو د ملاتړ او لاسنیوي په موخه، د ليف خيریه مؤسسې سره په همغږۍ په کامې ولسوالۍ کې پر (۵۰۰) تنو مستحقو یتیمانو باندې مرستې ووېشلې.
په يادو مرستو کې اوړه، وریجې، غوړي او نور مواد شامل وو.
د ننګرهار ولایت د شهیدانو او معلولینو چارو رئیس محترم محمد صابر ځواک د شهیدانو کورنیو ته ډاډ ورکړ چې د خیریه مؤسسو او بنسټونو سره په همغږۍ به د یتیمانو، کونډو او معلولیت لرونکو وګړو لپاره لا زیاتې مرستې برابرې کړي، تر څو په سمه توګه د هغوی لاسنیوی او اغېزمن ملاتړ شي.
