د شهیدانو او معلولینو چارو وزارت یتیمانو، کونډو او معلولینو ته د خوراکي توکو د چمتو کولو په موخه د قمر خیریه بنسټ سره هوکړه لیک لاسلیک کړ
یاد هوکړه لیک چې د شهیدانو او معلولینو چارو وزارت د بهرنيو اړیکو او پلان رئیس محترم ملا صدوخان حق شناس او د قمر خیریه بنسټ استازي محترم ریاض احمد صافي تر منځ د یو میلیون او (۲۲۵) زره افغانيو په ارزښت لاسلیک شو، د هغه پر اساس به د کابل ولایت اړوند په سروبي، ده سبز، پغمان، چهار آسیاب، بګرامي، موسهي او خاک جبار ولسواليو (۳۵۰) تنو یتیمانو، کونډو او معلولینو ته د خوراکي توکو مرستې چې په هغه کې اوړه، غوړي، وریجې او نور مواد شامل دي، چمتو او ووېشل شي.
د یادونې وړ ده، چې د یادې پروژې د پلي کیدو چارې به د کابل ولایت د شهیدانو او معلولینو چارو ریاست په همغږۍ پر مخ یوړل شي.
