د شهيدانو او معلولینو چارو وزارت کې د مجاهدینو د جهادي خدمت د فورمو د جوړولو پر څرنګوالي غونډه ترسره شوه
یاده غونډه چې د شهيدانو او معلولینو چارو وزارت د بشري سرچینو په رياست کې جوړه شوې وه، په هغه کې ټاکل شوې کمیټې چې د یاد وزارت د بشري سرچينو رئيس محترم مولوي محمد موسی صدیقي، د څارنې او ارزونې رئيس محترم مولوي نورالحق حقاني د داخلي تفتيش رئيس محترم مولوي احسان الله حقاني د مالي او حسابي چارو رئيس محترم قاري محمد امین درویش، د دعوت او ارشاد رئيس محترم مفتي عبدالاحد مسعود، او د اطلاعاتو او عامه اړيکو رٸيس محترم مفتي فيصل خاموش يې غړيتوب لري، ګډون کړی وو .
په دې غونډه کې د مجاهدینو د جهادي خدمت په قدم، ترفیع او تقاعد کې د محاسبې فورمې د جوړولو پر څرنګوالي هر اړخیز بحث ترسره شو او پریکړه وشوه چې د ټاکل شوې کمیټې هر غړی باید د یادې فورمې موارد په هراړخيزه توګه وڅېړي او د فورمې د لا غني کولو په موخه خپل وړاندیزونه يادې کمېټې سره شریک کړي.
