په بلخ ولايت کې پر (۱۰۱) تنو مستحقو معلولينو باندې ويلچرونه ووېشل شول
د بلخ ولايت د شهيدانو او معلولينو چارو رياست د یوې خیریه مؤسسې سره په همغږۍ په دې ولايت کې پر (۱۰۱) تنو مستحقو معلولينو باندې ويلچرونه ووېشل، همداراز هر معلول ته (۱۰۰۰) افغانۍ د لارې کرایې په توګه هم ورکړل شوې.
د یادو ويلچرونو د وېش پر مهال د بلخ ولايت د شهيدانو او معلولينو چارو رئيس محترم مولوي جان محمد حکمت، د ولايت مقام، د اقتصاد رياست او د استخباراتو رياست استازو او د ټولنیزو چارو خدمتونو مدیر محترم مولوي ضیاءالدین طلحه هم شتون درلود.
