د شهیدانو او معلولینو چارو په وزارت کې د شهیدانو او معلولینو چارو آمریت لپاره نوی آمر معرفي شو
د شهیدانو او معلولینو چارو وزارت محترم مقام د لزوم دید پر اساس محترم ملا عبدالحکیم دانش په دې وزارت کې د شهیدانو او معلولینو چارو د نوي آمر په توګه کارکوونکو ته د مالي او اداري چارو عمومي رئیس محترم مولوي کلیم الله افغان له لوري معرفي او خپل دنده يې رسماً پیل کړه.
د معرفي په دې غونډه کې د مالي او اداري چارو عمومي رئيس محترم مولوي کلیم الله افغان، د مقام د دفتر رئیس محترم مولوي شاه محمد دوست، د کارکوونکو د چارو رئیس محترم مولوي محمد موسی صدیقي، د مالي او حسابي چارو رئیس محترم مولوي محمد امین دروېش، د دعوت او ارشاد رئیس محترم مفتي عبدالاحد مسعود، د اطلاعاتو او عامه اړیکو رئیس محترم مفتي فیصل خاموش حضور درلود.
محترم مولوي کلیم الله افغان د مسؤلیتونو د ښه ترسره کولو او د مشرانو د اوامرو د اطاعت په اړه خبرې وکړې او زیاته یې کړه چې زموږ اساسي دنده د ګران هېواد د یتیمانو، کونډو او معلولینو خدمت او د هغوی لاسنیوی دی. باید په سپارل شویو چارو کې د مشرانو د اوامرو درناوی او اطاعت وکړو او هره دنده چې راته سپارل کېږي، په کمه سترګه ورته ونه ګورو؛ بلکې په اخلاص او بشپړې ژمنتیا سره یې ترسره کړو.
نوموړي د پخواني آمر هڅې او فعالیتونه وستایل او نوي آمر ته یې د چارو په ترسره کولو کې د لا بریاوو هیله څرګنده کړه.
همداراز محترم مفتي عبدالاحد مسعود د یتیمانو، کونډو او معلولینو ته د مسؤلانه او صادقانه خدمتونو د وړاندې کولو پر اهمیت خبرې وکړې او نوي آمر ته یې د چارو د لا ښه ترسره کولو په برخه کې د لا زیاتو بریاوو دعا وکړه.
