په پکتیکا ولایت کې د مجردو شهیدانو کورنیو باندې نغدي مرستې ووېشل شوې
د پکتیکا ولایت د شهیدانو او معلولینو چارو رئیس محترم مولوي محمد نبي وهاج، د یاد ولایت نکي او زیړوک ولسوالیو ته د خپل رسمي سفر په ترڅ کې د مجردو شهیدانو له کورنیو سره ولیدل او د هغوی ستونزې او غوښتنې یې له نږدې واورېدې.
نوموړي د دغو کورنیو د اقتصادي وضعیت د ښه والي او د ورځنیو اړتیاوو د پوره کولو په موخه ورسره نغدي مرستې هم ترسره کړې. هغه همداراز د سروې پروسې روان بهیر وڅاره او د شهیدانو کورنیو او معلولینو ته د لا اغېزمنو او غوره خدمتونو د وړاندې کولو په تړاو یې د ولسوالیو له مسؤلینو سره خبرې وکړې.
