د شهیدانو او معلولینو چارو وزارت او د قمر خیریه بنسټ ترمنځ د څه باندې څلور نیم میلیونه افغانیو په ارزښت هوکړه لیک لاسلیک شو
د شهیدانو او معلولینو چارو وزارت د نیکمرغه لوی اختر په مبارکو ورځو کې د شهیدانو کورنیو او معلولیت لرونکو وګړو د ملاتړ په موخه، د قمر خیریه بنسټ سره د (۴) میلیونه او (۸۸۴) زره افغانیو په مجموعي ارزښت د همکارۍ هوکړه لاسلیک کړ.
د دې هوکړه لیک له مخې به د لوی اختر په مبارکو ورځو کې، (۲۰۰۰) تنو مستحقو یتیمانو، کونډو او معلولیت لرونکو وګړو ته په بلخ ولایت کې د قربانۍ غوښې ووېشل شي.
د همکارۍ دغه هوکړه لیک د شهیدانو او معلولینو چارو وزارت د بهرنیو اړیکو، پلان او تقنین چارو رئیس محترم مولوي ثناءالله فرقاني او د قمر خیریه بنسټ د عملیاتي مدیر محترم ریاض احمد صافي ترمنځ لاسلیک شو او د بلخ ولایت د شهیدانو او معلولینو چارو ریاست په همغږۍ به تطبیق شي.
