د غزني ولایت د شهیدانو او معلولینو چارو رئيس د یاد ولايت یو شمېر ولسواليو ته سفر وکړ
د غزني ولایت د شهیدانو او معلولینو چارو رئيس محترم ملا عبدالحکیم دانش چې د ياد رياست اړوند مدیرانو یې ملتيا کوله، د رشيدان، ناهور، اجیرستان، مالستان او جاغوري ولسوالیو ته يې سفر وکړ.
محترم ملا عبدالحکیم دانش د مجردو شهیدانو کورنیو سره له نږدې وکتل، د هغوی ستونزې او غوښتنې ېې واورېدې او يو اندازه نغدي مرستې هم له يادو کورنيو سره ترسره کړې.
همداراز نوموړي یتیمانو، کونډو او معلولینو ته د خدمتونو وړاندې کولو د څرنګوالي او د هغوی د کور په کور سروې له بهیر څخه له نږدې ارزونه وکړه، کارکوونکو ته یې د چارو د لاښه والي په موخه لازمې لارښوونې وکړې.
د شهیدانو او معلولینو چارو رئيس د یادو ولسوالیو له ولسوال صاحبانو سره هم ليدنه وکړه او د هغوی څخه یې یتیمانو کونډو او معلولینو ته د خدمتونو وړاندې کولو په بهیر کې د تل په څیر د لا نورو همکاریو غوښتنه وکړه.
