د کابل ولايت اړوند (۲۵) تنو مستحقو یتیمانو لپاره د فني او حرفوي زده کړو پروګرام پیل شو

د شهیدانو او معلولینو چارو وزارت د یتیمانو د اقتصادي ځان بسیاینې په موخه د یوه آلماني وګړي په مالي ملاتړ د (۲۵) تنو مستحقو یتیمانو لپاره د خیاطۍ، فلزکاري، موبایل ترمیم، سولر سیسټم د موټر ترمیم په برخو کې یو کلن پروګرام پیل کړ، د دې پروګرام په ترڅ کې به یادو کسانو ته د مسلکي استادانو لخوا زده کړې ورکړل شي.

د ياد پروګرام د پرانیستې په مراسمو کې د وزارت د پروژو څخه د څارنې او ارزونې آمر محترم ملا مطیع الله ابوالمختار د فني او حرفوي زده‌کړو له زده‌کوونکو وغوښتل چې په پوره اخلاص او دوامداره هڅو سره مسلکي مهارتونه زده کړي، تر څو په راتلونکي کې د خپلو کورنیو لپاره ښه نفقه برابرونکي وګرځي.

نوموړي همدارنګه د یاد پروګرام له تمویل کوونکي څخه مننه وکړه او د لا زیاتو همکاریو غوښتنه یې هم وکړه.