د کابل ولایت اړوند پر (۴۰۰) تنو مستحقو کسانو باندې د مرستو وېش
د کابل ولایت د شهیدانو او معلولینو چارو ریاست د شهیدانو کورنیو او معلولیت لرونکو وګړو د ورځنیو اړتیاوو پوره کولو او د هغوی د لاسنیوي په موخه، د یوه ملي تجار په مالي ملاتړ پر (۴۰۰) تنو یتیمانو، کونډو او معلولینو باندې خوراکي توکي ووېشل، په یادو توکو کې اوړه، غوړي او ځینې نور مواد شامل وو.
یادې مرستې د کابل ولایت د شهیدانو او معلولینو چارو رئیس محترم ملا شیر محمد صمیم، د ياد رياست آمر محترم ملا محمد نعیم انعام په شتون کې مستحقو کسانو ته په شفاف او عادلانه ډول ورکړل شوې.
