د شهیدانو او معلولینو چارو وزارت د رهبرۍ شورا غونډه د محترم وزیر الحاج ملا عبدالمجید آخند په مشرۍ ترسره شوه
د رهبرۍ شورا غونډه د شهیدانو او معلولینو چارو وزیر محترم الحاج ملا عبدالمجید آخند په مشرۍ، د مسلکي او تخنیکي چارو مرستیال محترم الحاج ملا عبدالرزاق آخند، د شهیدانو او معلولینو چارو مرستیال محترم شیخ صاحب عبدالحکیم حقاني، د مالي او اداري چارو عمومي رئيس محترم مولوي کلیم الله افغان او د اړوندو څانګو د رئیسانو په شتون کې ترسره شوه.
په دې غونډه کې د وزارت پر ځینو مهمو موضوعاتو باندې تفصیلي خبرې وشوې او یتیمانو، کونډو او معلولینو ته د معیاري، شفافو او اغېزناکو خدمتونو د وړاندې کولو په هکله ټینګار وشو.
همدارنګه په دې غونډه کې ګډونوالو د وزارت د موخو د لا ښه تحقق په موخه خپل ارزښتناک نظرونه او وړاندیزونه شریک کړل.
