۱۹ فامیل متضرر از جنگ در ولایت لغمان از بسته های کمکی وزارت شهدا و معلولین مستفید شدند
په لغمان کې د څه کم څلور لکه افغانيو په ارزښت له ۱۹ ملکي جنګ ځپلو کورنيو سره د خوراکي توکو مرسته ترسره شوه.
د لغمان ولایت دشهیدانو او معلولينو چارو امر بشير احمد حقپال د معلوماتو له مخې ياده مرسته د لغمان ولايت د بېلابېلو سيمو د جنګ ځپلو له ۱۹ کورنيو سره د کومک موسسې له لوري ترسره شوه.
نوموړی زياتوي، ياده موسسه د دوی لخوا هڅول شوې وه ترڅو د يادو کورنيو سره د بېلا بېلو خوراکي توکو مرسته ترسره کړي.
حقپال وايي: هڅه کوي، چې په راتلوونکي کې دې ته ورته د نورو موسسو په همکارۍ د اړمنو کورنيو سره مرسته ترسره کړي.
په ورته مهال د کومک موسسې مسوولينو د شهیدانو او معلولينو چارو له امر څخه مننه وکړه، چې دوی ته يې مستحقې کورنۍ ورپېژندلي وې.
نوموړي وويل، دوی به په راتلوونکي کې هم د نورو اړمنو کورنيو سره په بېلابېلو برخو کې مرستې ترسره کړي.
بلخوا مرسته اخيستوونکو کورنيو د شهیدانو او معلولينو چارو ادارې او کومک موسسې له مسوولينو څخه مننه وکړه، چې له دوی سره يې ياده مرسته ترسره کړه.
دوی ټولو په يو غږ د دواړو ادارو له مسولينو څخه غوښتنه وکړه، چې په راتلوونکي کې دې ته ورته نورې مرستې هم له دوی سره ترسره کړي، ترڅو د دوی ستونزې راکمې شي.
