د شهیدانو او معلولینو چارو وزارت او د ظرفیت لوړولو، اقتصادي او د ټولنیزې ودې مؤسسې ترمنځ د هوکړه لیک لاسلیک
د شهیدانو او معلولینو چارو وزارت د یتیمانو او معلولینو د اقتصادي ځان بسیاینې په موخه، د (۴۰۹) زره او (۱۰۳) ډالرو په ارزښت د ظرفیت لوړولو، اقتصادي او د ټولنیزې ودې مؤسسې سره د همکارۍ هوکړه لیک لاسلیک کړ، چې له مخې به یې، په نورستان ولایت کې د شهیدانو او معلولینو له کورنيو څخه (۱۰۵۰) تنو مستحقو کسانو لپاره د کرنې او همداراز د خیاطۍ په برخو کې د حرفوي زده کړو پروګرامونه پيل شي، اړین وسایل او لوازم به ورته واخیستل شي او په اختیار کې به یې ورکړل شي، تر څو هغوی وکولای شي د کوچنیو کاروبارونو په پیل کولو سره له اقتصادي اړخه په ځان بسیا شي.
یاد هوکړه لیک د شهیدانو او معلولینو چارو وزارت د بهرنیو اړیکو، پلان او تقنین چارو رئیس محترم ملا صدوخان حق شناس او ظرفیت لوړولو، اقتصادي او د ټولنیزې ودې مؤسسې رئیس محترم حسیب الله رحیمي ترمنځ لاسلیک شو، چې د تطبیق چارې به یې د نورستان ولایت د شهیدانو او معلولینو چارو ریاست سره په همغږۍ د (۸) میاشتو په موده کې بشپړې شي.
