په بدخشان ولایت کې د یتیمانو، کونډو او معلولینو د نوي برېښنایي سیسټم له چارو څخه څارنه ترسره شوه
د شهیدانو او معلولینو چارو وزارت د ډېټابېس او معلوماتو ریاست د ایم، آی، اس سیسټم آمر محترم انجنیر الله محمد دوست په مشرۍ یو تخنیکي پلاوي د بدخشان ولایت د شهیدانو او معلولینو چارو په ریاست کې د یتیمانو، کونډو او معلولینو د نوي برېښنایي سیسټم له چارو او همداراز د اړوند اسنادو څخه هر اړخیزه ارزونه ترسره کړه.
د دې څارنې په پایله کې تخنیکي ټیم، د بدخشان ولایت د شهیدانو او معلولینو چارو ریاست له لوري د ترسره شويو کړنو ستاینه وکړه، د سیسټم د لاښه والي او چټکتیا په موخه یې کارکوونکو ته لازمې لارښوونې وکړې.
په ورته وخت کې د بدخشان ولایت د شهیدانو او معلولینو چارو رئیس محترم مولوي عبدالقدیر غفوري د تخنیکي پلاوي څخه د مننې تر څنګ د نوموړي ټیم له خوا د اصلاحاتو په موخه لازمو لارښونو او سپارښتنو ته د پوره پاملرنې ژمنه وکړه.
