د شهیدانو ورثه ؤ او معلولینو د پالنې په مرکز کې د فني او حرفوي زده کړو پر (۱۵۳) تنو زده کوونکو باندې مرستې ووېشل شوې
د شهیدانو ورثه ؤ او معلولینو د پالنې مرکز اړوند د فني او حرفوي زده کړو (۱۵۳) تنو زده کوونکو باندې د اچ، اچ، آر، ډي نړیوالې مؤسسې له لوري خوراکي مواد چې په هغه کې وریجې، لوبیا، بوره او مالګه شامل وه، په مستحقو کسانو باندې ووېشل شول، د یادو مرستو سربېره هر زده کوونکي (۳۵۶۰) افغانۍ د یوې میاشتې د لارې کرایې په توګه هم ترلاسه کړې.
د یادونې وړ ده، چې د یادو مرستو د وېش پر مهال د شهیدانو ورثه ؤ او معلولینو د پالنې مرکز رئیس محترم ملا رحمت الله خالد، د آسایشګاه د چارو آمر محترم ملا سید محمد آخند، د فني او حرفوي زده کړو د آمریت سرپرست محترم غلام مرتضی رستمي، د شهیدانو او معلولینو چارو وزارت د ټولنیزو چارو خدمتونو د تنظیم ریاست استازي او د مؤسسې مسؤلینو حضور درلود.
