د شهیدانو او معلولینو چارو وزارت د اطلاعاتو او عامه اړیکو په ریاست کې د نوي الکټرونیکي سیسټم لپاره د اړتیا وړ د معلوماتي ټکنالوژۍ وسایلو د برابرولو په موخه غونډه جوړه شوه
په هغه غونډه کې چې د ډيټابيس او معلوماتو رٸيس مولوي باقي بالله فضلي په سرپرستۍ کې جوړه شوې وه، په هغه کې د اداري او خدماتو رٸيس محترم مولوي سردار محمد حبيب ، د اطلاعاتو او عامه اړيکو رٸيس محترم مفتي فيصل خاموش د تدارکاتو آمر محترم قاري عبدالباسط منصور او د اړوندو څانګو کارکوونکو ګډون کړی وو.
په دې غونډه کې د معلوماتي ټکنالوژۍ د (۲۰) قلمه وسایلو په اړه چې په مرکز او ولایتونو کې د یتیمانو، کونډو او معلولینو د نوي الکټرونیکي سیسټم لپاره چې په (۱۴۰۳) مالي کال کې ورته اړتیا وه، او د پیرودلو قرارداد یې له یوه شرکت سره لاسلیک شوی وو، چې یاد شرکت د اړتیا وړ ځینې توکي چمتو کړي او ځینې نور یې لا هم تر اوسه دې وزارت ته نه دي رسیدلي، پریکړه وشوه چې قرارداد شوي شرکت سره دې په دې هکله خبرې وشي تر څو ډاډ ترلاسه شي چې یاد شوي وسایل په وخت سره د ډېتابېس او معلوماتو ریاست ته چمتو او وسپاري.
همدارنګه اړینه وبلل شوه چې د وسایلو د تحویل پروسې په هکله دې لازم اقدامات ترسره شي او په وړاندې یې رامنځته شوی خنډ او ځنډ له منځه یوړل شي.
