د شهیدانو او معلولینو چارو وزارت د مالي او اداري چارو عمومي رئیس په مشرۍ یوه پلاوی په کاپیسا ولایت کې د یاد وزارت د اړوند ریاست کړنې او فعالیتونه په هر اړخیز ډول وڅېړل
د شهیدانو او معلولینو چارو وزارت د مالي او اداري چارو عمومي رئیس مولوي کلیم الله افغان په مشرۍ یو پلاوی چې د هغه په تشکیل کې د شهیدانو او معلولینو چارو وزارت د داخلي تفتیش رئیس ښاغلي مولوي احسان الله حقاني د معلولینو د تثبیت آمر حافظ عبدالکریم او همدارنګه د څارنې او ارزونې ریاست غړي شامل دې چې مشري یې د شهیدانو او معلولینو چارو وزارت د مالي او اداري چارو عمومي رئیس ښاغلی مولوي کلیم الله افغان کوي. یاد پلاوی د کاپیسا ولایت د شهیدانو او معلولینو ریاست کار او فعالیتونه په هر اړخیزه توګه وڅیړل.
د شهیدانو او معلولینو چارو وزارت د مالي او اداري چارو عمومي رئیس ښاغلي مولوي کلیم الله افغان د دې ادارې له دندو څخه د لیدنې پر مهال مراجعینو ته د غوره خدمتونو د وړاندې کولو د څرنګوالي په اړه د دغه ریاست مسوولینو او کارکوونکو ته د یتیمانو او معلولیت لرونکو وګړو د ثبت او تثبیت په برخه کې لازمې لارښوونې وکړې.
د شهیدانو او معلولینو چارو وزارت د مالي او اداري چارو عمومي رئیس مولوي کلیم الله افغان په مشرۍ راغلي پلاوي د شهیدانو او معلولینو چارو ریاست د ستونزو د حل په موخه د کاپیسا ولایت له والي قاري احسان الله بریال سره هم وکتل. په دې کتنه کې د کاپیسا والي د یاد ریاست د مسئولینو د ستونزو او ننګونو له اورېدو وروسته راغلي پلاوي ته په هر اړخیزه توګه د همکارۍ ډاډ ورکړ.
د يادونې وړ ده، چې ياد شوي پلاوي تر دې وړاندې هم په پنجشېر او پروان ولايتونو کې د شهيدانو او معلولينو له رياستونو څخه ليدنه کړې او د يادو رياستونو د شته ننګونو او ستونزو د حل په موخه يې اغېزمن ګامونه پورته کړي دي.
