په معلولیت لرونکو وګړو او د شهيدانو په کورنیو باندې د مرستو کڅوړۍ ووېشل شوې
اتيا تنو معلوليت لرونکو وګړو او د شهيدانو کورنیو او بې وزلو د بيت السلام خيريه بنسټ له بشري مرستو څخه ګټه پورته کړه. په دغو مرستو کې چې (خوراکي توکي، البسه) اویوه اندازه نغدي افغانۍ شاملې وې، د بیتالسلام خیریه موسسې له خوا پر مستحقینو ووېشل شوې.
د کابل ولايت د شهيدانو او معلولينو ریس قاري شمس الدين ظهیر له يادې موسسې څخه د مرستو د کڅوړو له رالیږلو څخه مننه وکړه او زياته يې کړه، چې دا اړمن کسان چې اوسمهال په کمزوري اقتصادي وضعيت کې دي، همکاري او لاس نيوې کول يو انساني او وجداني کار دی او همدا راز د ویشلو لړۍ کې یې د روڼتيا د شتون ډاډ ورکړ.
چې دغه مرستندویه کڅوړې به په مستحقو کسانو وویشل شي.
د شهیدانو او معلولینو چارو وزارت د اطلاعاتو او عامه اړیکو ریس مفتي فیصل چې د مرستو د ویش پر مهال یې شتون درلود، پر کورنیو او بهرنیو خیریه بنسټونو، سوداګرو او پانګوالو غږ وکړ چې له بې وزلو او په ځانګړې توګه د شهیدانو له وارثینو او معلولیت لرونکو وګړو سره مرستې وکړې.
او زیاته یې کړه چي د شهيدانو کورنې او معلولیت لرونکي وګړي په ناوړه اقتصادي وضعیت کې دي چې هر څومره وکولای شو مرسته او همکاري ور سره وکړو.
