په (۵۸۰) تنو مستحقو کسانو باندې په هلمند ولایت کې مرستې ووېشل شوې
د هلمند ولایت د شهيدانو او معلولينو چارو رياست د یوې خیریه مؤسسې سره په همغږۍ د یاد ولایت په (۵۸۰) تنو مستحقو یتیمانو، کونډو او معلولینو باندې مرستې چې په هغه کې اوړه، غوړي، وریجې او ځینې نور خوراکي مواد شامل وو، ووېشل.
د یادو مرستو د وېش پر مهال د هلمند ولایت د شهيدانو او معلولينو چارو رياست مسؤلينو، د خیریه مؤسسې استازو شتون درلود او د مرستو د وېش له پروسې څخه یې څارنه وکړه.
په ورته وخت کې هغو مستحقو کسانو چې مرستې یې ترلاسه کړې وې د یاد ولایت د شهيدانو او معلولينو چارو رياست د مسؤلینو څخه د مننې ترڅنګ، په راتلونکې کې د ورته مرستو غوښتنه وکړه.
