د شهیدانو او معلولینو چارو وزارت یو پلاوي په ارزګان ولایت کې د یو شمېر فدایانو کورنیو سره نغدي مرستې وکړې
د شهيدانو او معلولينو چارو وزارت د دعوت او ارشاد رئيس محترم مفتي عبدالاحد مسعود په مشرۍ يو پلاوي چې د مالي او حسابي چارو رئيس محترم مولوي محمد امين دروېش، د خاصو شهیدانو آمر محترم مولوي محمد او د خاصو شهیدانو آمریت د محاسبې عمومي مدیر محترم زاهدالله میاخیل یې ملتیا کوله، د ارزګان ولایت اړوند د دهراوود، ګیزاب، چوره، خاص ارزګان او به چارچینو ولسوالېو کې د (۳۸) فدایانو کورنيو سره له نږدې وکتل، ستونزې او غوښتنې واوریدې او هرې کورنۍ سره یې يوه اندازه نغدي مرسته ترسره کړه.
د دې سربېره، د دعوت او ارشاد رئيس محترم مفتي عبدالاحد مسعود د ارزګان ولایت د شهیدانو او معلولینو چارو ریاست کارکوونکو سره هم جلا غونډه ترسره کړه او هغوی ته یې د دعوت او ارشاد اړوند مسائلو په هکله لازمې سپارښتنې وکړې.
