په کابل ولایت کې پر (۴۰۰) تنو مستحقو کسانو باندې د خوراکي توکو مرستې ووېشل شوې
د شهیدانو او معلولینو چارو وزارت د قمر خیریه بنسټ سره په همغږۍ د کابل ښار په شپاړلسمه ناحیه کې پر (۴۰۰) تنو مستحقو یتیمانو، کونډو او معلولینو باندې مرستې چې په هغه کې اوړه، وریجې، غوړي او ځینې نور خوراکي توکي شامل وو، ووېشل.
د یادو مرستو د وېش پر مهال د څارنې او ارزونې ریاست د پرمختیایي پروژو د تطبیق آمر محترم ملا مطیع الله ابو المختار، د قمر خیریه بنسټ مشر محترم رحمت الله نوروز او د ټولنیزو خدمتونو د تنظیم ریاست کارکوونکو حضور درلود.
