د شهیدانو او معلولینو چارو وزارت سرپرست وزير محترم الحاج ملا عبدالمجید آخند د هرات ولایت له والي سره لیدنه وکړه
محترم الحاج ملا عبدالمجید آخند چې هرات ولایت ته د شهیدانو ورثو او معلولینو پر وړاندې د شته ستونزو او ننګونو د حل او هغوی ته د خدمتونو وړاندې کولو د څرنګوالي د ارزونې په موخه سفر کړی وو، نن یې د هرات والي ښاغلي مولوي نورالدین احمد اسلام جار سره لیدنه وکړه.
په دې لیدنه کې د شهیدانو او معلولینو چارو وزارت سرپرست وزیر، د هرات ولایت د والي څخه د شهیدانو ورثو او معلولینو ته له مرستې او همکارۍ مننه وکړه او له نوموړي څخه یې وغوښتل تر څو په یاده برخه کې د شهیدانو او معلولینو چارو ریاست سره خپلو هراړخیزو همکاریو ته دوام ورکړي.
په ورته وخت کې د هرات والي ښاغلي مولوي نورالدین احمد اسلام جار د یاد ولایت د شهیدانو او معلولینو چارو ریاست کړنې او خدمتونه وستایل او په دې برخه کې یې د هراړخیزې همکارۍ ژمنه وکړه.
محترم الحاج ملا عبدالمجید آخند هرات ولایت ته د خپل سفر په ترڅ کې د شهیدانو له یو شمیر ورثو او معلولیت لرونکو وګړو سره له نږدې وکتل، د هغوی ستونزې واوریدې او په ورته وخت کې د محترم وزیر صاحب په حضور کې پر دوى څلور لکه (۴۰۰۰۰۰) افغانۍ نغدي مرسته هم وویشل شوه.
