د شهیدانو او معلولینو چارو وزارت د مالي او اداري چارو عمومي رئیس د پکتیکا ولایت د شهیدانو او معلولینو چارو ریاست څخه لیدنه وکړه
د شهیدانو او معلولینو چارو وزارت د مالي او اداري چارو عمومي رئیس ښاغلي مولوي كلیم الله افغان د یو لړ ولایتي سفرونو په ترڅ كې د یو پلاوي سره د پکتیکا ولایت د شهیدانو او معلولینو چارو ریاست څخه لیدنه وکړه. په دې سفر کې د شهیدانو او معلولینو چارو وزارت د مالي او حسابي رئیس ښاغلې قاري محمد امین درویش، د څارنې او ارزونې، د تفتیش او همدارنګه د بشري سرچینو ریاستونو استازیو د ښاغلي مولوي کلیم الله افغان ملتیا کوله، د پکتیکا ولایت د شهیدانو او معلولینوچارو ریاست د کارکوونکو د کړنو څرنګوالې یې وڅیړل، او یاد ریاست پر وړاندې یې شته ستونزې او ننګونې واورېدې او د حل پر لارو چارو یې خبرې وکړې.
د شهیدانو او معلولینو چارو وزارت پلاوي د یاد ولایت دشهیدانو او معلولینوچارو ریاست د کارکوونکو او ادارې ارزونه وکړه، او د ادارې د لا ښه والي په موخه یې لازمې لارښوونې ورکړې، او د بودیجې د مصرفولو پر وړاندې پرتې ستونزې او خنډونه له منځه یوړل شو.
د شهیدانو او معلولینو د چارو وزارت د مالي او اداري چارو عمومي رئیس ښاغلي مولوی كلیم الله افغان د دغه ریاست د ستونزو له اوریدو وروسته د دغو ستونزو د حل په برخه کې د لازمو همكاریو ژمنه وكړه، او په دې ولایت كې یې د بودیجې په بشپړ او شفاف ډول مصرفولو ټینګار وكړ .
په پام کې ده چې ښاغلې مولوي کلیم الله افغان د لوګر، پکتیا، خوست او پکتیکا ولایتونو د شهیدانو او معلولینو چارو ریاستونو د ارزونې وروسته، د زابل، غزنی او میدان وردګو ولایتونو د شهیدانو او معلولینو چارو ریاستونو څخه هم لیدنه وکړي، او د بودیجې د مصرفولو پر وړاندې پرتې ستونزې او ننګونې له منځه یوسي، او همداراز د اړوندو رياستونو د کړنو او فعالیتونو د څرنګوالي ارزونه وکړي.
