د شهیدانو د ورثې او معلولینو د حقوقو مدیریت د واحد مرکزي سیستم رامنځته کولو طرزالعمل بشپړ شو
د شهیدانو د ورثې او معلولینو د حقوقو مدیریت د واحد مرکزي سیستم رامنځته کولو طرزالعمل بشپړ شو
د شهیدانو او معلولینو په چارو کې د دولت وزیر ښاغلي لعل الدین آریوبي په خپل کاري دفتر کې د کورنیو چارو وزارت معین آغلې حسنا جلیل، د دفاع وزارت معین آغلې منیره یوسفزاده او د مالیې وزارت د خزاینو عمومي رییس ښاغلي اختیار ولي سره ناسته وکړه.
په یاده ناسته کې د واحد مرکزي سیسټم د طرزالعمل پر تخنیکي مواردو تفصیلي خبری وشوې. د جلالتماب جمهور رییس له لوري د کورنیو چارو، ملي دفاع او د مالیې وزارتونو او د شهیدانو او معلولینو په چارو کې د دولت وزارت ته لارښوونه شوې وه، چې د شهیدانو او معلولینو په چارو کې د دولت وزارت او اړوندې ادارې دې له نوي برېښنایي سیستم څخه د ګټې اخیستنې په موخه په ډېټابېس کې درج د ټولو معیارونو او مسولیتونو ټاکوونکی طرزالعمل په مشترکه توګه جوړ او تطبیق کړي تر څو د شهیدانو او معلولینو د حقوقو مدیریت، په چارو کې د روڼتیا تامین او یادو قشرونو ته د پر وخت او چټکو خدمتونو وړاندې کول او شهیدانو او معلولینو په چارو کې د دولت وزارت او اړوندو ادارو له لوري د شهیدانو وارثین او معلولین یوه واحد سیستم ته پورته کړي او ټولې اړوندې ادارې په خپلو برخو کې دې قشر ته رسیدګي وکړي. د یاد طرزالعمل ټول تخنیکي موارد د اړوندو ادارو د استازو او کاري ټیمونو لخوا نهایي شوي او ډېر ژر به رسمآ لاسلیک شي.
