د کابل ولايت پر (۴۳۵) تنو مستحقو یتیمانو باندې نغدي مرستې وېشل شوې
د شهیدانو او معلولینو چارو وزارت د شهیدانو کورنیو د اقتصادي ملاتړ او لاسنیوي په موخه، د احساس مرستندویه مؤسسې په همکارۍ، پر (۴۳۵) تنو مستحقو یتیمانو باندې نغدي مرستې ووېشلې او هر مستحق ته په ترتیب سره د (۸۰۰۰) افغانیو په اندازه نغدي مرستې ورکړل شوې.
د مرستو د وېش پر مهال د شهیدانو او معلولینو چارو وزارت د ټولنیزو خدمتونو د تنظیم رياست، د څارنې او ارزونې رياست، د شهیدانو چارو رياست، د کابل ولايت د شهیدانو او معلولینو چارو ریاست استازو او همداراز د احساس ټولنیزې مرستندویه مؤسسې مسؤلینو حضور درلود.
