په بلخ ولایت کې څه باندې څلور (۴) میلیونه افغانۍ پر مستحقو کسانو ووېشل شوې
د بلخ ولایت د شهیدانو او معلولینو چارو ریاست د اسلامي رفاه خیریه مؤسسې په همکارۍ (۴) میلیونه او (۳۰) زره افغانۍ د شهیدانو او معلولینو پر (۱۰۰) مستحقو کورنیو باندې ووېشلې، چې هر کورنۍ ته په ترتیب (۴۰) زره او (۳۰۰) افغانۍ د نغدي مرستې په توګه ورکړل شوې.
د بلخ ولایت د شهیدانو او معلولینو چارو ریاست مسؤلینو د اسلامي رفاه خیریه مؤسسې له مرستو او همکارۍ مننه وکړه او هیله یې وښوده چې په راتلونکي کې هم د یتیمانو، کونډو او معلولینو سره ورته مرستې ترسره شي، ترڅو د هغوی پر وړاندې شته ستونزو ته په ښه توګه رسیدګي وشي.
