د شهیدانو او معلولینو چارو وزارت کې (۴۵۰) تنو مستحقو یتیمانو د خوراکي توکو مرستې ترلاسه کړې
د شهیدانو او معلولینو چارو وزارت د یتیمانو د ملاتړ او لاسنیوي په موخه، د (HHRD) مؤسسې په همکارۍ د کابل ولایت اړوند پر (۴۵۰) تنو مستحقو یتیمانو باندې د خوراکي توکو مرستې ووېشلې، په یادو خوراکي موادو کې اوړه، غوړي، وریجې او ځينې توکي شامل وو، چې د منظم پلان له مخې په عادلانه ډول مستحقو کسانو ته ورکړل شول.
د مرستو د وېش پر مهال د دې وزارت د پروژو د تطبیق څخه د څارنې او ارزونې آمر محترم ملا مطیع الله ابوالمختار، د ټولنیزو خدمتونو د تنظیم ریاست استازي محترم سید شیرین آغا او د (HHRD) مؤسسې مرستیال محترم همایون نوري شتون درلود او د مرستو د وېش له بهیر څخه یې نظارت ترسره کړ.
د یادونې وړ ده چې د شهیدانو او معلولینو چارو وزارت تر دې وړاندې هم د یادې خیریه مؤسسې سره په همغږۍ د هېواد په ډیری ولایتونو کې زرګونو تنو مستحقو یتیمانو، کونډو او معلولیت لرونکو وګړو په بېلابېلو برخو کې مرستې ترسره کړي دي
