په غزني ولایت کې پر (۱۰۸) تنو یتیمانو باندې مرستې ووېشل شوې
د غزني ولايت د شهيدانو او معلولينو چارو رياست د (HHRD) مرستندويه مؤسسې سره په همغږۍ د یاد ولایت اړوند پر (۱۰۸) تنو مستحقو یتیمانو باندې مرستې چې په هغه کې اوړه، غوړي، بوره او نور خوراکي مواد شامل وو، په منظم او عادلانه ډول ووېشل، همداراز هر مستحق ته (۴۰۸۰) افغانۍ د نغدي مرستې په توګه هم ورکړل شوې.
د مرستو د وېش پر مهال د غزني ولايت د شهيدانو او معلولينو چارو رئيس محترم ملا عبدالحکیم دانش د خیریه مؤسسې له کړيو مرستو یې مننه وکړه او پر نورو خیریه بنسټونو یې هم غږ وکړ چې د شهيدانو ورثه وو او معلولیت لرونکو وګړو لپاره لا زياتې مرستې برابرې کړي.
