د ۳۳ ولایتي استازو لپاره د ډېټابېس او راپور لیکنې دوه ورځینی ورکشاپ پای ته ورسېد

د ۳۳ ولایتي استازو لپاره د ډېټابېس او راپور لیکنې دوه ورځینی ورکشاپ پای ته ورسېد
د شهیدانو او معلولینو په چارو کې د دولت وزارت له لوري د ۳۳ ولایتونو استازو ته د دوی د کاري ظرفیت لوړونې په موخه دوه ورځنی ورکشاپ ترسره شو.
د دغه ورکشاپ موخه ظرفیت لوړونه او په راپور لیکنه کې د روڼتیا رامنځته کول و، چې د شهیدانو او معلولینو په چارو کې دولت وزارت په انګړ کې جوړ شوی و.
د شهیدانو او معلولینو په چارو کې د دولت وزارت د مالي او اداري چارو مرستیال ښاغلی دل آقا صوفی زاده د ورکشاپ پرانیسته وکړه، وویل: غوره مو وګڼله، چې تاسو ته د راپور لیکنې دوه ورځینې ورکشاپ جوړ کړو، تر څو له ولایتو څخه دقیق راپورونه تر لاسه او کارونو په مشترکه او ښه توګه ترسره شي.
دغه راز د وزارت تخنیکي آغلې جمیله نورستانۍ له ګډونوالو مننه وکړه، او وویل، چې دلته تاسو به تاسې د ډېټابیس او راپور لیکني په اړه نوي معلومات ترلاسه کړئ، هیله ده په ولایتونو کې له خپلو کارکوونکو سره شریک او سالمه ګټه ترې پورته کړئ.
د وزارت د بایومتریک سیستم مسول ښاغلي شکرالله اکسیر د یوه پرزېنټشن له لارې د ورکشاپ ګډونوالو ته د الکترونیکی سیستم، بایومتریک پروسې، یوزر ډېټا انټرۍ، د محاسبې تثبیت او بانکي حسابونو په اړه معلومات وړاندې کړه.
د یاد ورکشاپ دویمه او وروستۍ ورځ راپور لیکنې ته ځانګړي شوې وه، چې د (COMAC) موسیسې مشاورینو د ظرفیت لوړوني په موخه ګډنوالو ته هر اړخیز معلومات وړاندې کړه.
د څارنې او ارزونې آمر ښاغلی نصیر شرف عبدالرحیمزي د نوي راپور لیکنې او چک لیستونو اړوند معلومات ورکړه .
د ورکشاپ په پای کې د وزارت له لوري د ورکشاپ ټولو ګډون والو ته تصدیق پاڼې ورکړل شوې.

د انځورونو د لیدو لپاره دلته کلیک وکړئ.