شهیدانو او معلولینو چارو وزارت یو پلاوي په بادغیس ولایت کې د یو شمېر معلولینو سره نغدي مرستې ترسره کړې
د هرات ولایت د شهيدانو او معلولينو چارو رئيس محترم مولوي علاء الدين سعد په مشرۍ يو پلاوي چې د جوزجان ولایت د شهيدانو او معلولينو چارو رئيس محترم مولوي شبیر احمد مسعود یې ملتيا کوله، بادغیس ولایت ته یې د سفر پر مهال د پنځه (۵) تنو مجاهد معلولینو سره چې د تېر شل کلن اشغال پر مهال یې د خپل بدن دوه غړي له لاسه ورکړي وو، له نږدې وکتل، د هغوی ستونزې او غوښتنې واورېدې او مستحق معلول سره ېې یو اندازه نغدي مرسته هم ترسره کړه.
په ورته وخت کې د بادغيس ولايت د شهيدانو او معلولينو چارو رئيس محترم مولوي محمد اسماعيل رحماني د شهيدانو او معلولينو چارو وزارت رهبرۍ څخه یې د معلوليت لرونکو وګړو د ملاتړ په پار مننه او قدرداني څرګنده کړه او د اسلامي نظام د پیاوړتیا لپاره یې دعا وکړه.
