د بادغیس ولایت د شهیدانو او معلولینو چارو په ریاست کې د یتیمانو، کونډو او معلولینو د ثبت په موخه نوی الکټرونیکي سیسټم فعال شو
د شهیدانو او معلولینو چارو وزارت د ډېټابېس او معلوماتو رئیس محترم مولوي باقي بالله فضلي په مشرۍ یو تخنیکي او مسلکي پلاوي، بادغیس ولایت یې د سفر په ترڅ کې د یاد ولایت د شهیدانو او معلولینو چارو په ریاست کې د یتیمانو، کونډو او معلولینو د ثبت او راجسټر په موخه نوی الکټرونیکي سیسټم فعال او د ګټې اخیستنې لپاره یې چمتو کړ.
په همدې موخه په جوړ شوي پروګرام کې محترم مولوي باقي بالله فضلي د سیسټم کارونې د څرنګوالي په هکله اړوند معلومات د یاد ریاست له کارکوونکو سره شریک کړل.
په ورته وخت کې د بادغیس ولایت د شهیدانو او معلولینو چارو رئیس محترم شیخ محمد اسماعیل رحماني په یاد ریاست کې د سیسټم د فعالیدو څخه یې خوښي څرګنده کړه.
