د شهیدانو او معلولینو چارو وزارت د مالي او اداري چارو عمومي رئیس د دې وزارت د کال سنټر د بیاځلې فعالولو په موخه د افغان بیسیم مخابراتي شرکت له استازي سره وکتل
په دې لیدنه کې د یاد وزارت د مالي او اداري چارو عمومي رئیس محترم مولوي کلیم الله افغان، د اطلاعاتو او عامه اړیکو رئیس مفتي فیصل خاموش، د دې وزارت د معلوماتي ټکنالوژۍ او د تدارکاتو مديرانو او د افغان بیسیم مخابراتي شرکت استازیو حضور درلود.
د دې لیدنې په ترڅ کې د وزارت اړوند کال سنټر د بیاځلې فعالولو پر څرنګوالي او د دې وزارت د کال سنټر د مقروضیت په اړه هر اړخیزې خبرې وشوې.
ټاکل شوې چې مراجعینو ته د لا زیاتو اسانتیاوو د برابرولو او د وخت له ضایع کیدو څخه د مخنیوي په موخه د دې وزارت کال سنټر بیاځلې فعال شي.
