د شهیدانو او معلولینو چارو وزارت د برنامو او همغږۍ مرستیالې د ښار جوړونې او ځمکو وزارت د ښاري چارو له مرستيال سره ولیدل
د شهیدانو او معلولینو چارو وزارت د برنامو او همغږۍ مرستیالې د ښار جوړونې او ځمکو وزارت د ښاري چارو له مرستيال سره ولیدل
۴غبرګولي۱۴۰۰
د شهیدانو او معلولینو چارو وزارت د برنامو او همغږۍ مرستیالې آغلې صبرۍ اندړ د ښار جوړولو او ځمکو وزارت د ښاري چارو مرستیال ښاغلي روښان ولسمل او د دې وزارت له نورو مسوولانو سره ولېدل.
په دې لېدنه کې لومړی د شهیدانو او معلولینو چارو وزارت د برنامو او همغږۍ مرستیالې شهيدانو ورثې او معلولينو لپاره د استوګنځيو د ويش په تړاو خبرې وکړې او د ښار جوړولو او ځمکو وزارت له چارواکو څخه یې غوښتنه وکړه، چې د شهیدانو ورثې او معلوليت لرونکو وګړو ته د استوګنیزو نمرو وېش او اوسېدو واحدونه مشخص او هغه اسانتياوې چې معلولین ورته اړتیا لري، پاملرنه وکړي.
ورپسې د ښار جوړولو او ځمکو وزارت د ښاري چارو مرستیال وویل، چې معلوليت لرونکي وګړي زموږ د ټولنې بشري او کاري ځواک تشکیلوي او په وینا یې، ښاري چوپړتیاوو ته د هغوی لاسرسی یوه اړتیا ده او د ښار جوړونې او ځمکو وزارت د معلولینو اړتیاوو ته په کتو په استوګنیزو پروژو، د استوګنځيو وېش او په استوګنیزو واحدونو کې د هغوی ونډه په ځانګړي ډول په نظر کې نیولې ده.
