یتیمانو، کونډو او معلولینو اړوند د نوي الکټرونیکي سیسټم له چارو څخه په فراه ولايت کې څارنه ترسره شوه
د شهیدانو او معلولینو چارو وزارت د ډېټابېس او معلوماتو د سیسټم آمر محترم سید تمیم آغا په مشرۍ یو تخنیکي پلاوي چې محترم حکمت الله بدري، محترم صدیق الله جهاني او محترم منیر احمد شیرزي یې ملتیا کوله، په فراه ولایت کې د یتیمانو، کونډو او معلولینو اړوند د نوي الکټرونیکي سیسټم د چارو څخه هر اړخیزه څارنه او ارزونه ترسره کړه.
د دې څارنې په بهیر کې، تخنیکي پلاوي د ثبت په پروسه کې د لوړې کچې دقت غوښتنه وکړه او د سیستم د چارو د لا ښه والي لپاره یې مهمې او ګټورې سپارښتنې وړاندې کړې.
همدارنګه، د فراه ولایت د شهیدانو او معلولینو چارو رئیس د سیستم د ثبت بهیر د لا اغېزمن ترسره کېدو په برخه کې خپله ژمنتیا څرګنده کړه.
