په پروان ولایت کې (۷۰) تنو معلولیت لرونکو وګړو باندې ویلچرونه ووېشل شول
د پروان ولایت د شهیدانو او معلولینو چارو ریاست د معلولیت لرونکو وګړو لپاره د آسانتیاوو رامنځته کولو په موخه، د (HHRD)خیریه مؤسسې سره په همغږۍ د یاد ولایت اړوند پر (۷۰) تنو مستحقو معلولیت لرونکو وګړو باندې ویلچرونه ووېشل، تر څو په ورځیني ژوند کې د هغوی پر وړاندې شته ستونزې حل شي.
یاد ویلچرونه د پروان ولایت د شهیدانو او معلولینو چارو ریاست مسؤلینو او د یادې خیریه مؤسسې د استازو په شتون کې پر مستحقو کسانو ووېشل شول.
د یادونې وړ ده چې د (HHRD)خیریه مؤسسې تر دې وړاندې د شهیدانو او معلولینو چارو وزارت سره په همغږۍ د مرکز په شمول د هېواد په ډیری ولایتونو کې یتیمانو، کونډو او معلولینو ته په بېلابېلو برخو کې مرستې برابرې کړې دي.
