په نورستان ولایت کې د پنځوسو یتیمانو او معلولیت لرونکو کورنېو سره نغدي مرستې ترسره شوې
په نورستان ولایت کې د اسلامي همکاریو سازمان لخوا پر پنځوسو یتیمانو، کونډو اومعلولیت لرونکو کورنېو باندې نغدي مرستې وویشل شوې، په دغو نغدي مرستو کې چي د هریوې کورنې لپاره سل آمریکایی ډالر شامل وه، د اسلامي همکاریو سازمان له لورې د نورستان ولایت د شهیدانو او معلولینو چارو ریاست په همغږۍ پر اړمنو کورنېو وویشل شوې.
دیادونې وړ ده هغو کورنېو چي دغه مرستې یې ترلاسه کړې وی، د اسلامي همکاریو سازمان او همدارنګه د نورستان ولایت د شهیدانو او معلولینو چارو ریاست څخه يې مننه وکړه، او هیله یې څرګنده کړه چي د دوې سره دی په راتلونکې کې لا زیاتې مرستې وشي.
