په ننګرهار ولایت کې (۵۵۰) تنو مستحقو یتیمانو باندې مرستې ووېشل شوې
د ننګرهار ولایت د شهیدانو او معلولینو چارو ریاست د لیف خیریه مؤسسې سره په همغږۍ د دې ولایت په کامې ولسوالۍ کې د یتیمانو پر (۵۵۰) کورنېو باندې مرستې چې په هغه کې اوړه، وریجې، غوړي او نور مواد شامل وو، په شفاف ډول ووېشل.
د یادو مرستو د وېش پر مهال د ننګرهار ولایت د شهیدانو او معلولینو چارو رئیس محترم محمد صابر ځواک وویل: زموږ اساسي موخه یتیمانو، کونډو او معلولینو ته د غوره او معیاري خدمتونو وړاندې کول دي او پوره هڅه به وکړو چې د خیریه بنسټونو او مؤسسو څخه هغوی ته لا زیاتې مرستې راجلب تر څو په سمه توګه د هغوی لاسنیوی وشي.
