په ننګرهار ولايت کې په څلور سوه بېوزلو کورنيو باندې د مرستو کڅوړۍ ووېشل شوې
په ننګرهار ولایت کې څلور سوه بیوزلې کورنې د شهیدانو او معلولینو چارو وزارت او همدارنګه د IHH خیریه بنسټ له مرستو برخمنې شوې. دا مرستې چې خوراکي توکي په کې شاملې وې د شهیدانو او معلولینو چارو وزارت او د IHH خیریه بنسټ لخوا په دو سوه بیوزلو کورنیو باندې د ننګرهار ولایت په هسکې مېنې او کوټ ولسوالیو کې او پاتې دوه سوه نورو کورنیو باندې د ننګرهار ولایت د شهیدانو او معلولینو چارو ریاست په انګړ کې وویشل شوې.
د ننګرهار ولایت د شهیدانو او معلولینو چارو رئیس ښاغلي مولوي لعل باز اسدالله پر اړمنو کورنیو د مرستو د ویش له امله خوښي څرګنده کړه او د مرستو د ویش په بهیر کې یې د رونټیا د شتون ډاډ ورکړ.
د یادونې وړ ده چی د دغو مرستو د ویش په بهیر کې د ننګرهار ولایت د شهیدانو او معلولینو چارو رییس او همدارنګه د ترکیې هیواد IHH د خیریه بنسټ مسوولینو هم شتون درلود د هغوې پر وړاندې د دغو مرستو ویش په شفافیت سره تر سره شو.
