په میدان وردګو ولایت کې پنځه سوه اړمنو کورنیو ته د قربانۍ غوښه وویشل شوه
د یتیمانو، کونډو او معلولینو د ملاتړ په موخه، د میدان وردګو ولایت د شهیدانو او معلولینو ریاست د یوې خیریه مؤسسې سره په همغږۍ، پنځه سوه (۵۰۰) اړمنو کورنیو ته چې پکې یتیمان، کونډې، معلولین او نور بېوزله کسان شامل وو، د قربانۍ غوښه وویشله.
یادې مرستې چې هرې کورنۍ ته پکې پنځه کیلو ګرامه د قربانۍ غوښه ځانګړې شوې وه، د شهیدانو او معلولینو ریاست رئیس محترم مولوي محمد نذیر ابو محمد او د خیریه مؤسسې د مسؤولینو په حضور کې، په شفاف او منظم ډول وویشل شوې.
