په لغمان ولایت کې پر (۵۰۰) تنو مستحقو کسانو باندې مرستې ووېشل شوې
د لغمان ولایت د شهیدانو او معلولینو چارو ریاست د یوې خیریه مؤسسې سره په همغږۍ پر (۵۰۰) تنو مستحقو یتیمانو، کونډو او معلولینو باندې مرستې چې په هغه کې اوړه، وريجې، غوړي او ځینې نور خوراکي توکي شامل وو، په منظم او عادلانه ډول ووېشل.
د مرستو د وېش پر مهال د لغمان ولایت د شهیدانو او معلولینو چارو رئیس محترم حاجي فیض الله جواد د خیریه مؤسسې له مرستو څخه قدرداني وکړه. نوموړي ټینګار وکړ چې دا ډول مرستې د اړمنو کورنیو د ستونزو په کمولو کې مهم رول لري او د شهیدانو او معلولینو چارو ریاست مسؤلین هڅه کوي، څو د مرستو د جلب، تنظیم او شفاف وېش په برخه کې خپل مسؤلیتونه په ښه او اغېزمن ډول اداء کړي.
