په لغمان ولايت کې (۳۱۸) تنه یتیمان او بېوزله کسان د حرفوي زده کړو څخه فارغ شول
د لغمان ولايت د شهيدانو او معلولينو چارو رياست د HHRD خیریه مؤسسې په همکارۍ په دې ولايت کې (۳۱۸) تنو مستحقو یتیمانو او اړمنو کسانو ته د کمپيوټر او موبايل ترميم همداراز د خیاطۍ او د انګليسي ژبې زده کړې روزنیز پروګرامونه په لاره اچولي وو، چې هغوی نن د یوې روزنیزې دورې له بشپړولو وروسته د فراغت سندونه ترلاسه کړل.
په همدې موخه په جوړ شوي پروګرام کې د لغمان ولايت د شهيدانو او معلولينو چارو رئيس محترم حاجي فيض الله جواد د یادې مؤسسې د هلو ځلو څخه د مننې ترڅنګ د ورته پروګرامونو د دایرولو غوښتنه یې وکړه.
د یادونې وړ ده، چې د پروګرام په پای کې فارغ شویو کسانو ته د حرفو اړوند ابزار او وسایل هم ورکړل شو.
