په غزني ولایت کې د شهیدانو او معلولینو له کورنيو (۱۰۸) تنه کسان د فني او حرفوي زده کړو څخه فارغ شول

asad_admin
سه‌شنبه ۱۴۰۴/۸/۱۳ - ۹:۵۵
mmd

د غزني ولايت د شهیدانو او معلولینو چارو رياست د‌ (HHRD) خیریه مؤسسې سره په همغږۍ د شهیدانو او معلولینو له کورنيو څخه (۱۰۸) تنو مستحقو کسانو ته د‌ موبایل  ترمیم، خياطۍ او په نورو برخو کې د فني او حرفوي زده کړو شپږ مياشتنی پروګرام پیل کړی وو، چې فارغ شویو کسانو ته نن د‌ يوې غونډې په ترڅ کې د فراغت سندونه ورکړل شول.

په یاده غونډه کې د‌ غزني ولایت د‌ شهیدانو او معلولینو چارو رئيس محترم ملا عبدالحکیم دانش، د یاد ولایت د ځینو ریاستونو استازو او د ( HHRD) خیریه مؤسسې مسؤلينو شتون درلود.

په دې غونډه کې محترم ملا عبدالحکیم دانش د فني او حرفوي زده‌کړو له فارغ شویو یتیمانو او معلولینو څخه غوښتنه وکړه چې د خپل عاید د زیاتوالي او د ژوند د لومړنیو اړتیاوو د پوره کيدو لپاره په بازار کې خپل کسب ته دوام ورکړي، تر څو په خپل کسب کې یې مهارت زیات او هم د خپلو کورنیو لپاره عاید او د ټولنې لپاره خدمت وکړي.

د یادونې وړ ده چې فارغ شویو کسانو ته‌ د کار پیل کولو په موخه د حرفې اړوند وسايل هم ورکړل شول.

تازه خبرونه

شنبه ۱۴۰۵/۸/۳۰ - ۱۴:۱۴
Background image

د کابل ولايت د شهیدانو او معلولینو چارو په رياست کې (۴۹) مستحقو کورنيو باندې نغدي مرستې ووېشل شوې

د کابل ولايت د شهیدانو او معلولینو چارو رياست د قمر خیریه بنسټ په مالي ملاتړ پر (۴۹) مستحقو کونډو او معلولینو باندې نغدي مرستې ووېشلې چې هر مستحق ته (۱۴۵۰۰) افغانۍ ورکړل شوې.

دغه مرستې. . .

شنبه ۱۴۰۵/۸/۳۰ - ۱۴:۱۳
Background image

په زابل ولایت کې یو شمېر مستحقو یتیمانو ته زرنج نقليه وسایط ووېشل شول

د زابل ولايت د شهیدانو او معلولینو چارو رياست د (IHH) نړيوالې مؤسسې په مالي ملاتړ او همغږۍ د یاد ولایت پر (۱۰) تنو مستحقو یتیمانو باندې زرنج نقليه وسایط ووېشل.

د یادو وسایطو د وېش پر. . .

شنبه ۱۴۰۵/۸/۳۰ - ۱۴:۱۲
Background image

په کندهار ولايت کې یو شمېر مستحقو کورنيو باندې مرستې ووېشل شوې

د کندهار ولایت د شهیدانو او معلولینو چارو رياست د عدليې رياست سره په همغږۍ د (۲۵) یتیمانو کورنیو د اقتصادي ځان بسیاینې په موخه شیدې ورکوونکې وزې ووېشلې.

د شهیدانو او معلولینو چارو. . .

BACK TO NEWS