په خوست ولایت کې پر (۱۵۰) مستحقو کورنيو باندې خوراکي توکي ووېشل شول
د خوست ولایت د شهیدانو او معلولینو چارو ریاست د قمر خیریه بنسټ په مالي ملاتړ په یاد ولایت کې د شهیدانو او معلولینو پر (۱۵۰) کورنيو باندې د روژې مبارکې میاشتې به مناسبت، مرستې چې په هغه کې اوړه، وریجې، غوړي او نور خوراکي مواد شامل وو، په منظم ډول ووېشل.
د مرستو د وېشلو پر مهال د خوست ولایت د شهیدانو او معلولینو چارو رئیس یتیمانو، کونډو او معلولینو ته یې د مرستو د چمتوکولو په پار د یاد خیریه بنسټ له مسؤلینو مننه او قدرداني وکړه.
په ورته وخت کې هغو کسانو چې مرستې ترلاسه کړې وې د خوست ولایت د شهیدانو او معلولینو چارو ریاست او د قمر خیریه بنسټ له کړیو مرستو خوښي څرګنده کړه او هیله یې وښوده چې د رمضان المبارک په میاشت کې له دوی سره لازیاتې مرستې ترسره شي.
