په ارزګان ولایت کې (۳۹۰) تنو مستحقو کسانو د خوراکي توکو مرستې ترلاسه کړې
د ارزګان ولایت د شهیدانو او معلولینو چارو ریاست د یوې خیریه مؤسسې سره په همغږۍ پر (۳۹۰) تنو مستحقو یتیمانو، کونډو او معلولینو باندې مرستې چې په هغه کې اوړه، وریجې، غوړي او درې ډوله نور خوراکي توکي هم شامل وو، په منظم او شفاف ډول ووېشل.
د مرستو د وېش پر مهال د ارزګان ولایت د شهیدانو او معلولینو چارو رئیس محترم مولوي عتیق الله منظور یتیمانو، کونډو او معلولینو ته د شهیدانو او معلولینو چارو وزارت د رهبرۍ له ځانګړې پاملرنې څخه مننه وکړه، د شهیدانو ورثه وو او معلولینو د ملاتړ په برخه کې د خیریه مؤسسې هڅې هم وستایلې او یتیمانو، کونډو او معلولینو ته یې ډاډ یې ورکړ چې د وزارت رهبرۍ تل هڅه کوي چې د دوی لپاره د ژوند لازم امکانات او اسانتیاوې برابرې کړي.
