يو شمير مدني فعالانو ښاغلي لعل الدين آريوبي ته، د شهيدانو او معلولينو چارو وزارت د لوړتيا په مناسبت مبارکي ورکړه
يو شمير مدني فعالانو ښاغلي لعل الدين آريوبي ته، د شهيدانو او معلولينو چارو وزارت د لوړتيا په مناسبت مبارکي ورکړه
نن دوشنبه د مرغومې په ۲۹مه، يو شمير مدني فعالانو د ښاغلي لعل الدين آريوبي په مشرۍ او غوره مديريت پر مټ، د شهيدانو او معلولينو په چارو کې د دولت وزارت څخه د شهيدانو او معلولينو چارو وزارت ته د لوړتيا په پار مبارکي وويله.
دوی هر يوه، د ښاغلي لعل الدين آريوبي هڅې، فعاليتونه، لاسته راوړنې او غوره خدمتونه وستايل او په تېر څه باندې دوو کلونو بريالي ماموريت کې د يوې ملي ادارې تر دولت وزارت او بيا تر خپلواک وزارته را رسول يې د نوموړي د سخت او اغيزمن کار پايله وګڼله.
همدارنګه دوي د ښاغلي آريوبي د غوره او بريالي ماموريت ستاينه وکړه او هغه ته يې له خپله اړخه د يو ځيرک او ځوان وزير په توګه د پوره همکارۍ او ملاتړ ډاډ ورکړ.
د ناستې ګډونوالو هر يوه د مبارکۍ ترڅنګ، له ښاغلي آريوبي سره د کارموندنې، له ظرفيتونو د کار اخيستنې، د وزارتونو ترمنځ د همغږۍ کموالي او نورو اړونده ستونزو په تړاو خبرې وکړې او له نوموړي يې په دې برخو کې د هر اړخيزو همکاريو هيله وکړه.
ښاغلي آريوبي مننه وکړه چې د ځوانانو لخوا د لاسته راوړنو له امله ستايل کېږي او د دوی ملاتړ او همکاري ورته د لا ډېر کار او فعاليت انرژي ورکوي.
نوموړي په دولتي ادارو کې د ځوانو ظرفيتونو ځای پر ځای کول مهم وګڼل او د وړ ځوانانو لپاره د کار زمينې برابرولو په برخه کې يې د هر ډول همکاريو چمتوالی وښود.
د ناستې په پای کې فعالو ځوانانو ښاغلی لعل الدين آريوبي ته، د کابينې د بريالي وزير په توګه ستاینلیک او کتاب ډالۍ کړ.
