د پکتیکا ولایت شهیدانو او معلولینو چارو ریاست ته نوي رئیس معرفي شو

asad_admin
شنبه ۱۴۰۴/۳/۲۴ - ۱۰:۳۰
mmd

د افغانستان اسلامي امارت د رياست الوزراء عالي مقام د حکم پر اساس او د شهیدانو او معلولینو چارو وزارت د وړاندیز له مخې، محترم مولوي محمد حنیف سيف الخالد د پکتیکا ولایت د شهیدانو او معلولینو چارو رياست د نوي رئيس او محترم حافظ عبدالکریم په همدې رياست کې د آمر په توګه اړوند‌ کارکوونکو ته په رسمي ډول معرفي او خپلې چارې يې پیل کړې.

د معرفي په غونډه کې د کارکوونکو چارو رئيس محترم مولوي محمد موسی صديقي، د وزارت د‌ مقام د دفتر رئيس محترم مولوي شاه محمد دوست او ځنیو ولايتي مسؤلينو حضور درلود.

په دې پروګرام کې د کارکوونکو چارو رئيس محترم مولوي محمد موسى صديقي په ځینو مهمو اداري مسایلو بحث وکړ او د پخواني رئیس، محترم مولوي محمد نبي وهاج، د خدمتونو  څخه یې مننه او قدرداني څرګنده کړه، وروسته يې د دې ریاست ټولو مسئولینو ته سپارښتنه وکړه چې په بشپړ دقت او جديت سره خپلو دندو ته پام وکړي ترڅو د ریاست اهداف په مؤثره توګه تحقق ومومي.

همدارنګه د وزرات د مقام د دفتر رئیس محترم مولوي شاه محمد دوست هم مسؤلیت امتیاز نه بلکه یو ستر امانت وباله او ټینګار یې وکړ چې ټول باید خپلو دندو او مسؤلیتونو ته ژمن پاتې شي او هېڅکله هم غفلت او بې پروايي ونه کړي.

د پکتیکا ولايت مقام اداري آمر محترم مولوي اسامه هم په دې غونډه کې خبرې وکړې د پخواني رئیس کارونه او هلې ځلې يې وستایلې او له نوي رئيس سره يې د ولایت مقام په استازيتوب د ګډ کار او همکاري ژمنه وکړه.

تازه خبرونه

سه‌شنبه ۱۴۰۴/۳/۲۷ - ۹:۱۶
Background image

د شهیدانو ورثه وو او معلولینو د پالنې په مرکز کې اداري غونډه ترسره شوه

د چارو د لاښه والي په موخه، د شهیدانو ورثه وو او معلولینو د پالنې مرکز رئیس محترم مولوي احسان الله حقاني په مشرۍ په یاد ریاست کې اداري غونډه ترسره شوه، چې په هغه کې د یاد مرکز اړوند. . .

سه‌شنبه ۱۴۰۴/۳/۲۷ - ۹:۱۴
Background image

د شهیدانو او معلولینو چارو وزارت د کارکوونکو چارو په ریاست کې اداري غونډه ترسره شوه

د شهیدانو او معلولینو چارو وزارت د کارکوونکو چارو رئیس محترم مولوي محمد موسی صدیقي په مشرۍ په یاد ریاست کې د کاري بهیر د لا ښه والي په موخه اداري غونډه ترسره شوه چې په هغه کې د ریاست. . .

سه‌شنبه ۱۴۰۴/۳/۲۷ - ۹:۸
Background image

د شهیدانو او معلولینو چارو وزارت د بهرنیو اړیکو او پلان ریاست کې د راپورونو د تحلیل او توحید نوی آمر معرفي شو

د شهیدانو او معلولینو چارو وزارت رهبرۍ د لزوم دید پر اساس محترم خان افضل د دې وزارت د بهرنیو اړیکو او پلان ریاست اړوند د راپورونو د توحید او تحلیل د نوي آمر په توګه د کارکوونکو د چارو. . .

BACK TO NEWS