د پکتیکا ولایت د شهیدانو اومعلولینو چارو رئیس په اورګون ولسوالۍ کې د یو شمېر شهیدانو له کورنېو سره نغدي مرسته ترسره کړه
د پکتیکا ولایت دشهیدانو اومعلولینو چارو رئیس محترم مولوي محمد نبي وهاج چې د یوسف خیلو او اورګون ولسوالېو د شهیدانو او معلولینو چارو مدیرانو یې ملتیا کوله په اورګون ولسوالۍ کې د یو شمېر شهیدانو له کورنېو سره له نږدې لیدنه وکړه، په دې لیدنه کې په ترتیب سره هغه کورنۍ چې د شهیدانو شمېر یې اووه تنه وو (۱۳۰۰۰) افغانۍ او هغه کورنۍ چې درې یا څلور کسان یې شهیدان شوي وه (۹۰۰۰) افغانۍ د نغدي مرستې په توګه ورکړل شوې.
د پکتیکا ولایت دشهیدانو اومعلولینو چارو رئیس د مرستو د وېش پر مهال خبرې وکړې او زیاته یې کړه: د اسلامي امارت مجاهدینو د خپلو ځانونو په قرباني کولو سره په هېواد کې اسلامي نظام قایم کړی او موږ ته لازمه ده تر څو د هغوی د ورثه ؤ څخه په ښه توګه پالنه وکړو.
په ورته وخت کې دشهیدانو کورنېو هم د پکتیکا ولایت دشهیدانو اومعلولینو چارو ریاست له همدردۍ او خواخوږي څخه مننه وکړه او د اسلامي امارت د دایمي پایښت لپاره یې دعا وکړه.
همداراز محترم مولوي محمد نبي وهاج د شهیدانو مقبرې ته ورغی او هغوی ته یې دعا وکړه.