د نوي رئیس په معرفي غونډه کې د شهیدانو او معلولینو چارو وزارت د مقام د دفتر رئیس محترم مولوي شاه محمد دوست، ځينو آمرینو او د اړوند ریاست کارکوونکو ګډون کړی وو.
محترم مولوي عبدالغفار قريشي د ریاست الوزراء عالي مقام د حکم پر بنسټ او د شهیدانو او معلولینو چارو وزارت د مقام د لزوم دید او وړاندیز پر اساس د تخار ولایت د شهيدانو او معلولینو چارو ریاست، د نوي رئیس په توګه د شهيدانو او معلولینو چارو وزارت د دفتر رئیس محترم مولوي شاه محمد دوست له خوا د دې ریاست کارکوونکو ته ور وپېژندل شو.
د معرفي په پروګرام کې محترم مولوي شاه محمد دوست د تخار ولایت د شهیدانو او معلولینو چارو له نوي رئیس څخه وغوښتل چې د وزارت د منظور شوې طرحې سره سم یتیمانو، کونډو او معلولينو ته میاشتنۍ نغدي مرستې ترسره کړي او ورسپارل شوي مسؤلیتونه د شهيدانو او معلولینو چارو وزارت د مشرتابه په همغږۍ سره سرته ورسوي.
هغه له یو شمېر یتیمانو او دشهيدانو له ورثه وو سره هم وکتل او د هغوی ستونزې مشکلات يې واوريدل.
