د غزني ولایت د شهیدانو او معلولینو چارو په ریاست کې اداري غونډه
د فرامینو، حکمونو، هدایاتو او د شهیدانو او معلولینو چارو وزارت د رهبري شورا د پریکړو د تطبیق او د اداري چارو د لاښه والي او مؤثریت په موخه د غزني ولایت د شهیدانو او معلولینو چارو په ریاست کې اداري غونډه ترسره شوه.
یاده غونډه چې د شهیدانو او معلولینو چارو رئیس محترم مولوي محمد انور برادر په مشرۍ ترسره شوه په هغه کې د ریاست اړوند ټولو کارکوونکو ګډون کړی وو.
محترم مولوي محمد انور برادر د شهیدانو او معلولینو چارو ریاست د کارکوونکو له لوري ترسره شوي فعالیتونه او کړنې وستایلې او ټینګار یې وکړ چې اسلامي امارت ته خدمت کول باید د خدای جل جلاله په بشپړ اطاعت، په اخلاص او پاک نیت سره سم ترسره شي.
همداراز په دې غونډه کې د شهیدانو او معلولینو چارو وزارت د پالیسۍ او اصولو د ښې پلي کېدو، د شهیدانو کورنيو او معلولینو ته پر وخت د خدمتونو پر وړاندې کولو، له مراجعینو سره د ښه چلند، له نورو برخو سره د پوره همغږۍ په رامنځته کولو او د کاري پلانونو د ترتیب په هکله هم ټینګار وشو.
